Ekki verður bætt við fleiri félögum fyrir þetta ár.

Ef þú vilt vera skráð(ur) á biðlista fyrir næsta ár skaltu senda inn umsókn í klúbbinn.
Á heimasíðunni má sjá hlekk inn á umsókn fyrir aðild að klúbbnum.
Aðilar sem sækja um eru skráðir í númeraröð á biðlista fyrir inngöngu í klúbbinn fyrir næsta ár.

Fréttabréf vikunnar
  Fréttabréf Golfklúbbsins Serbergs
   Vikan:   6.5. -  12.5

Þriðjudagur:

Strákagolfið byrjar. Karlarnir eiga frátekna rástíma frá klukkan 17:00 til 18:30 á þriðjudögum. Þeir sem vilja geta tekið þátt í verðlaunapotti (500 kr. þátttökugjald). 

Sjá nánar á Facebook-síðu strákanna í klúbbnum: Karlaklúbbur GSE. Endilega skráið ykkur í þann hóp ef þið eruð ekki nú þegar skráðir.   

Föstudagur:

Vorfagnaður kvennaklúbbs GSE 

Við munum hefja þetta frábæra golfsumar föstudaginn 10. maí,  kl 19:00 í golfskálanum.  Í boði er matur og skemmtun. Kvennanefndin mun kynna hvað er framundan í sumar. Under Armor verður með "PopUp" verslun og sýningu. Leynigestur kíkir við. Verð aðeins 4000 kr. (matur og framlag í sjóðinn okkar). 

Skráið ykkur endilega á viðburðinn á facebook síðu kvennaklúbbsins. Ef þið hafið ekki nú þegar gengið í hann þá heitir hann kvennaklúbbur GSE.  Einnig er hægt að skrá sig í golfskálanum hjá Siggu. 

Hlökkum til að sjá ykkur sem flestar og þið megið alveg bjóða vinkonum með ykkur. 

Fréttir af starfinu síðustu viku: 

S.l. miðvikudag var hreinsunardagur á vellinum. Um 60 félagar, tíndu rusl, löguðu glompurnar, máluðu og fleira. Virkilega gaman að sjá hversu margir voru tilbúnir að hjálpa til.  

S.l. föstudag var haldið innanfélagsmót. 9 holu punktakeppni með fullri forgjöf.  

Úrslit:

  1. Þórður Gíslason 19 punktar.
  2. Rúnar Gunnarsson 19 punktar. 
  3. Herdís Hermannsdóttir 18 punktar.  

Eftir golfið þá máluðu þátttakendur mynd sem var hengd upp í skálanum. 

Önnur mál:

Afhending á pokamerkjum og kvittanir:

Pokamerki þeirra sem hafa gengið frá greiðslu árgjalds koma á föstudaginn. Þeim sem hafa ekki gengið frá árgjaldinu eða vilja fá kvittun fyrir greiðslu árgjaldsins er bent á að hafa samband við Davíð Kristján Hreiðarsson (david@keilir.is) eða (felagaskra@gse.is) eða (5653360). 

Ekki er heimilt að byrja að leika á vellinum fyrr en búið er að ganga frá greiðslu árgjaldsins. 

Nýir félagar velkomnir. 

Enn er laust fyrir nokkra félaga í klúbbinn. Áhugasömum er bent á að hafa samband við Davíð Kristján Hreiðarsson (david@keilir.is) eða (felagaskra@gse.is) eða (5653360).